Day 45．千年埋藏
Day 45．千年埋藏
私心選，相當鍾意佢嘅編曲，特別副歌部份。作曲入江純，亦即係之前貼過，作《計時炸彈》嗰個。同一隻碟，《牆上的肖像》
呢兩首歌都好似冇Plug過上台，但我都識。係咪好流行？又唔知，好可能因為我屋企有，日聽夜聽。但嗰隻碟都Plug咗六首歌上台，包括之前貼過嘅《痴心的廢墟》同埋《曾經》。
留意隻碟並唔係太賣得，因為嗰時已經係差不多神枱期。隻碟1987年，年尾就宣佈唔攞獎了。另外之前都有講，當時倫伯已經走出香港，轉咗去拍戲同埋開巡迴演唱會。出本地碟相對地唔係首要任務。
正係因為倫伯打日本市場，呢首歌居然係有……英文版的。倫伯甚至在東京音樂節唱，所以我好記得。。 但當然英文版得啖笑。
又，目測 陳百強同張國榮在東京音樂節都係唱返廣東話，好合理。許冠傑當年有唱過英文，但反正許冠傑自己啲歌都英文。倫伯就真係因為出咗隻碟有英文版。
而邊個唱過日文歌？就係…..梅艷芳。
留言
張貼留言