Day 16，小風波
Day 16，小風波
呢首當然係極早期嘅作品，分得到的。相當清新之作，1981年，單飛後嘅第三隻廣東話碟（但居然出咗兩隻國語）。
呢隻碟叫《忘不了你》，而《忘不了你》本身當然亦係五輪真弓。因為呢隻碟成功，所以下一隻就有《雨絲情愁》。甚至你可以話係呢隻碟後就開始 全香港改編日本歌。
嗰期仲係好有溫拿影子，或者許冠傑嗰種油脂仔風味，唱英文歌。唔明係乜？咁你可以比較下，後來《幻影》《霧之戀》之類完全唔同，或者《暴風女神》《愛情陷阱》之類都完全唔同。
原曲應該人人都識，Air Supply，All out of love，咁就當然係原曲好啲，條澳洲佬主音不得了。但你嗰時邊有YouTube？況且，新一代就識英文啫，老嘢點識？
又，聽聞有個”Air Supply”測試，即係啲忠實Band友音樂能，嘅底線就去到呢度。你聽”Air Supply”嘅，就係叛徒，主流撚了。同樣地，聽聞仲有”Bon Jovi測試”，或者”ColdPlay”測試。
「不過我覺得Air Supply好好聽」，咁我連Twins都聽，當然係主流撚。「雖然我好似只係識兩首歌」，仲有邊首？當然係Making love out of nothing at all（其實中文點譯？「冇嘢搵嘢嚟屌？」）
但夠了，個個歌手我都識幾首歌，「足夠我同唔同年紀唔同背景唔同國藉嘅女溝通」。講真的，唔係以為因為我靚仔下話？但我同不同嘅女都可以有話題，因為樣樣都吹到少少。
以前識條女跳Flamenco（唔靚的，唔使問），咁我會同佢講到吉卜賽人，回教徒，命運與死亡等等，「好夠架啦」，「因為有啲毒撚以為係卡路斯辛坦拿」。正如嗰時睇麥兜菠蘿油王子，我可以同條女講《我的心裡沒有他》梗係靜婷（！）版先係王道，而唔係at17（sorry）．我甚至講到原曲係西班牙歌（OK，巴拿馬，是但啦）。又正如舊年睇電影節，人地就睇余香凝個bra，但我就留意戲入面唱《深夜港灣》係甄楚倩版唔係關淑怡（當然，跟返個時代），兩個版唔止編曲唔同，詞都唔同。甚至可以講返 山口百惠嘅《秋櫻》—當然呢啲好多廢老都知，但廢老又唔會識同你講陳奕迅嘛。
咁我當然唔係咩「識音樂」，你可以話你識得多過我，絶對唔奇。但咪話好多人都在某啲領域識得多過我，但我係樣樣識啲。而非官方統計，港男在某啲領域識得多嘅，唔少都變咗煩膠，例如巴膠鐵膠德甲膠政治膠高達膠，女人唔鍾意的
再講，早年譚詠麟係改編好多英文歌的，亦係嗰時嘅常態。除咗呢首，仲有唱一首好歌（Bee Gees，Too Much Heaven），愛到你發狂（The Knack，My Sharona ），孩兒（其實係賓歌，但菲律賓即係美國啦），個心立立亂（Santa Esmeralda，You're My Everything）。
因為呢隻碟嘅成功，後期就多數日文歌，或者本地創作了。
順手講埋，早期倫伯嘅廣東歌，就真係一係清新校園風（愛在陽光空氣中，天邊一隻雁），一係油脂仔風。其實即係許冠傑咁上下，但當然冇許冠傑咁多社會歌。倫伯差不多由始到撚都係情歌王子。
又，屌！我今日先知「歷風」就係馮添枝！！！
留言
張貼留言